Clock Wise and Counter Clock Wise (Ating Gantihan at Balikan)

Dapat nga ba nating balikan ang mga araw na inalagaan tayo at pinagtanggol ng ating mga magulang? Dapat ba natin itong gantihan ng higit pa sa kanilang nagawa? Nararapat ba natin silang pasayahin kahit sa maliliit na bagay lamang? "Oo", ang sagot ko sa lahat ng katanungang iyan. Dapat lang talaga. Dapat ay higitan pa natin iyon. Nararapat na ating silang bigyan ng maayos na buhay dahil ang dami nilang sinakripisyo para sa atin. Mga sakripisyo na natitiyak kong sila lang ang makakagawa. Lagi nilang sinasabi na lahat ng bagay sa mundo na ito na nagyayare ay nakatakda na. May plano ang panginoon sa atin. Plano na makakabuti sa lahat.

Pero bakit may ilang na napariwala? Ito ay maaring may nakatakdang plano kung tinahak mo ang maling landas. O maaari din na kaparusahan mo ito dahil sa nagawa mong kasalanan. Kahit ano pa man iyon. Lahat ng problema sa mundo ay may solusyon. At may mga dahilan iyon kung bakit nangyayari. At isa ang problemang ito na kinanahaharap ng iilan sa atin ngayon:

Mga magulang.. Ano ba sila para sa inyo? Siguro kung sasagutin iyan ng ibang kabataan ay iyan ang isang tao na nagpalaki sayo at balang araw ay iiwan mo din pag di mo na kailangan. Pero para sa akin ang mga magulang ang pinakamahalagang bagay sa mundo na meron ako ngayon.. May magtatanggol, mag-aalaga at mag-aalala sayo sa araw-araw. Mga magulang na tutulungan ka upang makamit ang mga pangarap mo. Tutulong sa iyo para guminhawa ang buhay mo.. Tinuturo ang tama sa mali.. Mangangaral at magpapayo sa lahat ng problema na nangyayare. Ganyan kahalaga ang magulang.. Kaya marapat lamang na gantihan at balikan natin sila sa kahit na anong paraan. Natitiyak kong sasaya sila.. Tuparin lamang natin ang mga pangarap na di nila nakamtan dahil sa sobrang kahirapan.. Pasayahin natin sila sa paraang alam natin.. Ibalik natin ang mga pag-aaruga at pagtatanggol sa kanila, tulad ng lagi nilang ginagawa nung tayo ay musmos pa. Iwaglit na sa ating isipan ang galit natin sa kanila noong araw na napapalo at napapagalitan nila tayo dahil sa sobrang katigasan ng ating ulo. Isang paraan lamang ito upang di na maulit yun, umiwas sa kapahamakan at isang paraan ng pagdidisiplina.

Mabuntis ng maaga, mag yosi, at uminom ng alak at lalong lao na ang makapatay at malulong sa bawal na gamot. Isa lamang ang mga iyan sa mga kinatatakutan ng ating magulang na mangyare sa atin. Kaya hindi natin sila masisisi. Iyan lamang ang ilang dahilan kung bakit sila nagagalit sa mali nating nagawa, dahil ayaw nilang mapariwara tayo ng landas. Dahil mahal na mahal nila tayo..

Gantihan natin sila ng buong puso kahit na anong klase pa sila ng magulang.. Dahil wala tayo dito ngayon kung wala sila.. Lagi natin silang supresahin sa paraan na alam natin. Tulad ng pagpapasyal sa mall, pagkain sa mamahaling kainan, pamamasyal sa mga lugar na di pa nila napupuntahan at bilhan natin sila ng mga gamit. Simpleng paraan paraan upang mapasaya sila. Nararapat lamang na atin itong gawin dahil ginawa nila ang lahat upang mabuhay at makapagtapos tayo.. At ngayong may mga trabaho na kayo o may sariling pamilya, huwag sana natin silang pagdamutan. Dahil hindi nila tayo pinagdamutan kahit kailan kung marunong ka lamang umintide. Mahalin natin sila ng buong puso dahil natitiyak kung may malaking gantimpala sayo ang Maykapal sa mabuting tao, anak, kaibigan, asawa, at apo.

Sana'y maintindihan ang mensahe ng aking akda. Kung hindi naman, buksan ang iyong puso at ipikit ang iyong mata. Ang puso mo ang makakakita ng gandang hindi mo inaasahan. Mga ala-ala na napasaya ka nila.. Isipin mo lang at intindihin at syempre mahalin.

Sana'y maintindihan kung bakit "Clock Wise at Counter Clock Wise ang pamagat nito. Dahil ang Clockwise ay umiikot pakanan sa orasan. Ito ang sumisimbolo sa mga araw na pino protektahan nila tayo at inaalagaan kaya dapat tayo naman ay mag Counter Clock Wise umiikot pakaliwa sa orasan, ibalik natin ang pag-aalaga at proteksiyon na ibinigay nila sa atin noong panahon na iyon..

"Memories is like photos, you can look back, but you can't never go back."

PS. I do not own any pictures here..
Credit to the owners..